воскресенье, 4 июля 2010 г.

Өгөгдөл оруулах төхөөрөмжийн хөгжил

Бичилгүйгээр бодоод л твийтлэх боломж олгосон бүтээл

Бидний өнөөдөр өдөр болгон хэрэглэж байгаа РС буюу personal computer гээч чухам хэзээ үүсээ бол, бас нэлээдгүй чухал үүрэгтэй гар, хулгана зэргийг хэн хэзээ зохиогоо бол? Цаашдаа хөгжсөөр ямархуу болох бол?

Компьютерийн гар болон хулганыг бүхэлд нь нэгэн өгөгдөл оруулах төхөөрөмж гэж нэрлэдэгийг мэдэхгүй хүн бараг байхгүй биз ээ. Харин хамгийн анхны өгөгдөл оруулах төхөөрөмж нь хатуу цаасыг цоолж шивдэг байсныг мэддэг хүн цөөн байх.

Энэ тухай үл өгүүлэн өгүүлэхэд 1964 онд Стэнфордын Их сургуулийн эрдэмтэн Дуглас Карл Энгельбарт (Douglas Carl Engelbart) “х ба у байрлалын индикатор“ нэртэй төхөөрөмж зохиосныг өнөөгийн хулганын өвөг эцэг болсон гэж үздэг байна.

Гарны үүсэл Стэнфордын Их сургуулийн мөнөөх л эрдэмтэн Дуглас Карл Энгельбарт (Douglas Carl Engelbart) өнөөгийн гарыг анх зохиосон гэж үздэг байна. Хэрэв та анхааралтай ажиглавал одоогийн гарнаас бараг л ялгарах зүйлгүй шахам харагдаж байгааг зөвшөөрөх биз.

Гэвч одоогийн хэрэглэж байгаа гар маань цаашид ямар болох бол гэдэг асуулт бидний санааг гижигдсээр байна. Мэдээж хэрэг дээр нь кофе, цай мэтийг санаандгүй асгахад ажрахгүй бөх бат болон сайжирч бас хямдрах нь лавтай.

“Механик” гарны ирээдүй Dell компаниас гаргасан iGesture нэртэй гар, хулганыг нэгтгэсэн төхөөрөмж 179-329 $ үнэтэй, худалдаанд гараад хэдэн жил болсон байна. Түүнчлэн резинэн бүрхүүлтэй гарыг бараг хүн бүхэн мэддэг болсон тул энд дурдах нь илүүц биз ээ.

Механик гарны залгамж халааг авсан дараагийн загвар яахын аргагүй Virtual Keyboard буюу лазер мэдрэгчтэй гар юм. Ус асгасан ч тоохгүй, эвдрэхгүй бат бөх, тэгсэн хэрнээ жижигхэн, оворгүй гар гэж ёстой энийг л хэлэх байх даа.

Гарны хөгжлийн явцаас аливаа техникт байдаг нийтлэг үзэгдэл- Хөгжих явцдаа гол үүрэг нь хэвээрээ хадгалагдаж байгаа мөртөө овор нь багасаж, улам бат бөх болж, үнэ нь хямдарч байгааг тодорхой олж харж болно. Товчоор хэлбэл гар нь хөгжлийнхөө хамгийн дээд шат буюу Төгс Төгөлдөр Шийдэл рүү ойртож байна.

Тэгэхээр хамгийн төгс төгөлдөр гар нь ямархуу байх ёстой вэ. Мэдээж компьютерт өгөгдлийг оруулахдаа л хамгийн сайн байх ёстой. Харин яаж, эсвэл юугаар гэдэг л сонин байх болов уу. Өөрөөр хэлбэл өнөөг хүртэлх өгөгдөл оруулах бүх төхөөрөмж нь хүн өөрийн бодсоныг гараараа шивж оруулдаг зориулалттай тул ГАР гэдэг нэртэй болтлоо хэлбэршиж байжээ.

Хүн бодсон зүйлээ гараар шивэлгүйгээр РС- дээ оруулж болох уу? Энэ асуултыг арай өөрөөр тавибал хүний бодсон зүйлийг ямарч зовлонгүйгээр, шидэт саваагаар дохисон мэтээр яаж РС-д оруулах вэ. Үүний хариулт аль хэдийн олдсон байна.

Кэмбриджскийн Их сургуулийн хэсэг эрдэмтэд хүний нүдний хөдөлгөөнөөр шивэх the Inference Group Dasher гэдэг нэртэй төхөөрөмж сэджээ. Энэ нь ердийн РС дээр суурилсан гурван ширхэг вэб камераас тогтох бөгөөд дэлгэцэн дээр гарч байгаа үсэг тооны алин руу харж байгааг нь ялгах чадвартай программыг бас зохиожээ. Эдгээр вэб камер нь ердийн бидний байна ашигладагтай адил төдийгүй, дээрх программыг сайтаас татаж авч болох тул та ч гэсэн “нүдээрээ” буюу хуруугаа ч хөдөлгөлгүй шивж болох нь байна. Иймэрхүү төхөөрөмж нь элдэв өвчний улмаас гар болон хуруугаа хөдөлгөж чадахгүй хүмүүсд ямархуу их боломж олгохыг ойлгоход сод ухаан хэрэггүй юм.

Нүдний хөдөлгөөнөөр үсэг шивэх нь өгөгдөл оруулах төхөөрөмжийн хамгийн төгс төгөлдөр шийдэл хараахан биш ажээ. Юу гэвэл хүний бодлыг мэдэрдэг төхөөрөмж бүтээгээд, үүнийгээ ашигласан “Тархины хөл бөмбөг”, “Тархины сагсан бөмбөг” нэртэй тоглоомууд зохион бүтээсэн нь худалдаанд аль хэдүйн гарчээ.

Мөн хамгийн сүүлийн үеийн мэдээг үзвэл, хүний бодлыг зайнаас мэдэрч богино хэмжээний захиа (твиттер) бичсэн байна. Джастин Виллиэмсын зөвлөгөөгөөр Висконсины их сургуулийн докторант Адам Вилсон бүтээсэн энэ бүтээл нь Time сэтгүүлийн 2009 оны хамгийн шилдэг 50 бүтээгдхүүний нэгээр шалгарсан байна.

Бичсэн Т.Батууг 2010 он

Ашигласан материал

http://www.membrana.ru

http://www.xakep.ru

http://www.computerra.ru

Timesonline

Твиттер Уилсонаhttp://www.time.com/time/specials/packages/article/0,28804,1934027_1934003_1933954,00.html

Хэрүүл хийх хичээл

Амьдрал санамсаргүйгээр дүүрэн гэдэгтэй маргах хүн гарахгүй байх. Тэр тусмаа дандаа аятайхан байдаггүй. Ялангуяа хүний эрхэм чанарыг хөндөх нь онцгой юм. Тийм ээ, бид заримдаа балмад авирлахтай тулгардаг. Дараа нь удаан хугацаагаар шаналж, гомдоогчид юу гэж хариулж болох байснаа боддог. Бас хариулж болох байсан ч хүн болгон түргэн сэтгэдэггүйгээсоновчтой хариу өгч чаддаггүй...

“Хэрүүл хийх хичээл”- ийн зохиогч нь хүүхдийн “Сэргэлт” нэртэй дугуйлангийн сурагч 7- р ангийн хүүхэд юм. Бүтээлийг 1993 онд бичсэн байна. Янз бүрийн шүүмж гарч байлаа. Зарим нь өөдгүй амьтдад хичээл заалаа гэх, зарим нь ямар аргаар доромжилсныг мэдэж байж хариугаа авна гэх. Бид сүүлийнхтэй нь санал нэгдэж буй.

“Сэргэлт” дугуйлангийн удирдагч Марат Гафитулин

“Гомдоогчид өгөх- бэлэн хариулт”- ийг бичихэд уран зохиол, кино, алдартнуудийн амьдрал, онигоо за тэгээд өдөр тутмын амьдралын тохиолдлуудыг судалж ашиглалаа. Алдартай бэлэн хариултыг судалсны үндсэн дээр гомдоох тохиолдлуудыг ангилж, хариулт өгөхөд тохирох аргуудыг тодруулсан болно.

Бэлэн хариултын аргууд

1. Яг тэр тохиолдол ... чинь


Баримт



Нэгэн удаа залуухан хөгжмийн зохиолч нэрт Пуччинид хорлонтойгоор: Чи ч хөгширч дээ, чамайг нас барахад тоглуулах гашуудлын аялгууг би бичнээ, оройтохгүйн тулд ерөөсөө маргаашнаас л эхлэнэ гэжээ. "Яахав бичихгүй юу, гэхдээ энэ ч оршуулган дээр исгэрч шүгэлдсэн анхны тохиолдол болох байх аа даа" санаа алдан хариулжээ.

Эх үүсвэр: [2], c.22.

Онол. Алхмууд:
1. Эхлэл. Доромжлогч гол баатарт маань эелдэг бус хандлаа.
2. Доромжлол. Доромжлогч гол баатарт гомдмоор зүйл хэлээд, цаашдаа үүнтэй холбон хийхээр бодож байгаа зүйлээ ярина.
3. Бэлэн хариулт. Гол баатар маань "Гэхдээ энэ ч, ...тэр тохиолдол болох байх аа даа" гэж Доромжлогчийн үйл бүтээлийн чансааг өөлж хариулна.

Жишээ:
- Чи ч шал түүхийгээрээ байна даа, чамд ч надаас сурах юм их байна даа.
- Тэгвэл энэ ч сурагч нь багшаасаа хэд дахин илүү юм мэддэг анхны тохиолдол болох байх даа.

Дасгал. Дараахь доромжлолд бэлэн хариулт өгөөрэй:
- Чиний ухаанд чинь ухна ишиг унасан юм шиг байгаа болохоор чамайг замд гарах зүйлээ төхөөрөхөд чинь би өөрөө л туслахаас.

2. "Ижилтгэсэн хариу" арга


БАРИМТ



Оросын алдарт шог зохиолч Иван Андреевич Крылов цэцэрлэгээр зугаалж яваад өөрийг нь: "Тэр хараач бөөн нүүгэлтсэн том юм явж байна" гэхийг сонсчээ. Бие бялдраараа ер гайхуулдаггүй орос зохиолч маань: "Мэлхий бас хажууд нь гуаглаж байна" гэсэн гэдэг.
Эх үүсвэр: "Өглөөний мэнд" радио нэвтрүүлэг.

("Миний дүү ийм сайхан 2 пийсүүтэй байж, ахынхаа ганц шүрээр оролдож юу хийнээ" зохиолч Тангадын Галсангийн ярианаас орч.)

Онол. Алхмууд:
1. Эхлэл. Доромжлогч гол баатарт маань эелдэг бус хандлаа.
2. Доромжлол. Доромжлогч гол баатрын нэг шинжийг олоод, энэ шинжийг ашиглан гол баатарт маань гомдолтой харьцуулалт хийж байна (объект №1).
3. Бэлэн хариулт. Гол баатар маань №1 харьцуулалтыг хүлээн авангуутаа, ижилхэн хариу барьж, Доромжлогчийг өөрийг нь №1 объектоос ялгаатай №2 объекттой харьцуулж байна

Жишээ:
- Чи ийм хөлдүү толгойтой ч дээ.
- Илжигний чихэнд алт хийсэн ч сэгсэрнэ, ус хийсэн ч сэгсэрнэ.

Дасгал. Дараахь доромжлолд бэлэн хариулт өгөөрэй:

- Чи дандаа гахай шиг идэх юмаа.

3. "Өөнтөглөгчийг ганцаардуулах " арга


БАРИМТ



Хөгжмийн зохиолч Джузеппе Верди "Трубадур"дууриа бичиж дуусаад алдартай нэгэн шүүмжлэгч эрхмийг урьж бүтээлээ танилцуулжээ.
- За ямар байна даа? — хэмээн асуухад
- Хэрвээ үнэнээр нь хэлэхийг зөвшөөрвөл ямар ч гоц гойд юмгүй болжээ.
Баярласан Верди түүнийг хүзүүдэн авч:
- Маш их их баярлалаа, би ч азтай хүн юм аа! Миний бүтээл Танд л таалагдаагүй бол олон нийтэд таалагдана гэдэгт эргэлзэх хэрэггүй.
Эх үүсвэр: [2], c.14.

Онол. Алхмууд:
1.
Эхлэл. Баатар маань нэг зохиол бүтээсэн байна.
2. Доромжлол.
Гомдоогч энэ бүтээлд сөрөг дүн өгч байна.
3. Бэлэн хариулт.
Гол баатар маань Гомдоогчийн тависан дүнд сэтгэл хангалуун байгаагаа хэлж, өөрийн баярласанаа тайлбарлахдаа Гомдоогчийн сөрөг дүн нь бусад хүмүүсийн эерэг дүнтэй тэнцүү гэдгийг хэлнэ.

Жишээ:
-
Хайрсан боов чинь ямар балиар болоо вэ.
-
Би ёстой мундаг, хэрэв чамд таалагдахгүй байгаа бол зочдод маань яг таалагдана.

Дасгал. Дараахь доромжлолд бэлэн хариулт өгөөрэй:

- Энэ илтгэлийг ч жоомонд л зориулсан юм байна, лав л хүмүүсд биш.

4. "Юмханаар бурхан бүтээх" арга


БАРИМТ



Францын хөгжмийн зохиолч Жана Филиппа Рамо нэг удаа өөрийг нь тааруухан шүлгэнд ая хийлээ гэж шүүмжилсэн түшмэлд, хариуд нь томрохдоо
-
Надад хурлын тэмдэглэлээ өг дөө, би дуурь болгоод биччихье гэжээ.
Эх үүсвэр:
[2], c.4.

Онол. Алхмууд:
1. Эхлэл.
Гол баатар маань бүтээл туурвисан байна. Гомдоогч энэ бүтээлийн үнэ цэнийг бууруулахыг хүсэж байна.
2. Доромжлол.
Гомдоогч гол баатарыг бүтээлдээ чанар муутай зүйл хэрэглэлээ гэж хэлж байна.
3. Бэлэн хариулт.
Гол баатар маань бүр илүү муу зүйл хэрэглэсэн ч ялгаагүй л гойд бүтээл туурвиж чадна гэж хариулж байна.

Жишээ:
-
Энэ ямар хямдхан будгаар зураа вэ.
-
Намайг нүүрсний өөдсөөр зураадах гэсэн ч би Луврын музейд тавигдахаар бүтээл хийж чадна.

Дасгал. Дараахь доромжлолд бэлэн хариулт өгөөрэй:

- Соёлтой хүн дүрдэг үзгээр бичдэггүй юм.

5. "Эргэлзэх" арга


БАРИМТ



Үлгэрийн зохиолч Андерсен ядуу амьдардаг байжээ. Нэгэн удаа гудамжинд баян гэгч нь зохиолчтой тааралдсанд, нөгөөх нь түүнийг таниад хэлж байна гэнэ: "Эрхэм Андерсен минь, таны толгой дээрх чинь малгай мөн юм уу". Нэрт үлгэрчийн маань малгай ч үнэхээр муудсан байжээ.Андерсен огтхон ч торолгүйгээр : "Ноёнтоон харин Таны малгайн доорх чинь толгой мөн юм уу?"
Эх үүсвэр:
[1], c.144.

Онол. Алхмууд:
1. Эхлэл. Гомдоогч баатарт маань эелдэг бус хандаж байна.

2. Доромжлол. Гомдоогч баатрын маань эд юмсыг онцолж, түүнийх нь үнэ цэнийг харьцангуй доош нь хийж байна. Энэ үед Гомдоогч нь Баатрын маань эд юмсын байрлалыг заана.
3. Бэлэн хариулт. Гомдоогч нь эд юмсын ижилхэнтэй байна. Баатар маань "Харин Та ... гэж бодож байна уу" гэж асуултаар хариулж, Гомдоогчийн эд юмсаас нь ч илүү үнэт зүйлийн үнэ цэнэд эргэлзсэн эргэлзээгээ хэлнэ.

Жишээ:
- Чи хөлдөө гутал өмссөн гэж бодоод байна уу?
- Харин чи өөрийнхөө гутал доторхийг хөл бодоод байна уу?

Дасгал. Дараахь доромжлолд бэлэн хариулт өгөөрэй:
- Өө за, чиний төөрөгдөл ертөнцөд ухаалаг бодол төрүүлнэ гэж чи бодож байна уу?

6. "Толин тусгал" арга


БАРИМТ



Нэг охин нөгөөдөө:
-
Тэнэг амьтан!
-
Өөрийгөө шүүмжлэж байгаа хүнд би дуртай шүү.
Эх үүсвэр: сургуулийн завсарлагааны үеэр.

Онол. Алхмууд:
1. Эхлэл. Гомдоогч баатарт маань эелдэг бус хандаж байна.
2. Доромжлол.
Гомдоогч доромж үгийг Баатарт маань шууд хэлж байна.
3. Бэлэн хариулт.
Баатар маань доромж үгийг хүлээн авч байгаа дүр үзүүлэнгээ, доромж үгийг Гомдоогчийн өөрийнх нь дүр төрх мэт болгож байна.

Жишээ:
-
Хөлдүү!
-
Өөрийнхөө нэрийг амандаа үглэдэг хүнийг харах сонирхолтой шүү.

Дасгал. Дараахь доромжлолд бэлэн хариулт өгөөрэй:
- Хөгшин зөнөг!

Дүгнэлт

Бэлэн хариулт олох ажил цаашид үргэлжлэнэ. Зохиогч шинэ гоё баримт ирүүлэх болон тухайн бүтээлийг ашиглах, бүтцийг шүүмжлэхэд талархан хүлээн авах болно.

Мөн түүнчлэн бэлэн хариултын хэрэгцээ нь аажимдаа алга болно гэдэгт гүнээ итгэж байна.

Ашигласан бүтээл

1. Кленицкая И.Я. Читаем вместе. М.: Знание, 1988. (Хамтдаа уншъя)
2. Коробочкин Н.П. Музыканты шутят. М.: Росмузинформ СК, 1990. (
Хөгжимчид хөгжилдөж байна)

Санал хүсэлтээ доорх хаягаар ирүүлнэ үү:
140160 г.Жуковский, а/я 272, Моск. обл.
Тимуру Гафитулину
Движение "Восхождение"

Хавсралт

Доромжлоход хэрэглэж болохуйц бэлэн хариултууд:

1. Яг тэр тохиолдол ... чинь

- Чиний ухаанд чинь ухна ишиг унасан юм шиг байгаа болохоор замд гарах зүйлээ төхөөрөхөд чинь би л туслахаас.

- Тэгвэл ч би чемодандаа нэг ч хэрэгтэй зүйл олохгүй ганц тохиолдол болох байх даа.

2. "Ижилтгэсэн хариу" арга

- Чи дандаа гахай шиг идэх юмаа.
- Ногоон ялаа шунгинаад байна уу даа.

3. "Өөнтөглөгч ганцаардуулах " арга
- Энэ илтгэлийг ч жоомонд л зориулсан юм байна, лав л хүмүүсд биш.

- Гайхалтай! Урьд нь би хүмүүсийг ура хашгирахад иймэрхүү шүүмжлэлийг сонсож л явлаа.

4. "Юмханаар бурхан бүтээх" арга

- Соёлтой хүн дүрдэг үзгээр бичдэггүй юм.

- Хулсан үзгээр үнсэн самбар дээр бичсэн ч сонгодог зохиол бичиж чадна шүү.

5. "Эргэлзэх" арга
- Өө за, чиний төөрөгдөл ертөнцөд ухаалаг бодол төрүүлнэ гэж чи бодож байна уу?
- Харин чиний бодол ертөнцөд ухаалаг төөрөгдөл төрүүлнэ гэж чи бодож байна уу?

6. "Толин тусгал" арга

- Хөгшин зөнөг!
-
Чишш! Соёлтой хүн өөрийнхөө тухай ингэж чанга ярьж болдоггүй юм.

Т. М. Гафитулин

Орчуулсан Т.Батууг 2009он

Өөрийнхөө компанийг “хорлон сүйтгэх” ажлыг яаж хийх вэ?

Өөрийнхөө компанийг “хорлон сүйтгэх” ажлыг яаж хийх вэ?

© Сергей Пашутин

Зах зээлийн өнөөгийн орчинд байгууллагын тогтвортой ажиллагааг хангах нь удирдагын нэлээд төвөгтэй бодлого болдог бөгөөд энэ нь ихэвчлэн нэг үзүүлэлтийг сайжруулахад өөр үзүүлэлт мэдэгдэхүйц мууддагтай холбоотой. Ерөнхий үзүүлэлтийг бүхэлд нь сайжруулахын тулд хамгийн бага чармайлтаар хамгийн их үр дүнд хүрэхүйц төвөгтэй бус шийдлийг сонгох учиртай.

Эмх, цэгц бүхий системийг бий болгох нь бизнесийн амжилтыг өсгөх асуудлын зөвхөн нэг тал нь юм. Энэ нь хамгийн бодит байдлаар, байгууллагын тогтвортой байдалтай холбоо бүхий зарчмын хувьд чухал бусад зүйлтэй орооцолдсон байдаг. Жишээлбэл, урьдчилж хараагүй нөхцөл байдал үүссэнээс болж үйл ажиллагаагаа огцом өөрчлөх болон сөрөг үр дагаварыг бууруулах тухай зоримог шийдвэр гаргах гм.

Үйл явдлын болзошгүй явцыг урьдчилж хэлэх, харах боломж олгодог, зоримог хүчтэй шийдвэр хайх явцыг хөнгөлж өгдөг тусгай арга мэхүүд байдаг юм. Үнэнийг хэлэхэд эдгээр арга мэх нь маш явцуу хүрээнд, тухайлбал техникийн салбарт, шинийг сэдэх бодлогын урьд нь мэдэгдэж байсан аль нэгэн шинжийг сайжруулахад чиглэж байжээ. Чухам ийм асуудлуудыг шийдэхэд чиглэгдсэн байсан учир цэвэр техникийн асуудал дээр сайн гэдгээ харуулсан байна.

Эдгээр арга мэхний үндсийг аль 1935 онд зөвлөлтийн нисэхийн зохион бүтээгч Роберт Бартини тавьсан хэдий ч нууцлалын улмаас өргөн дэлгэрч чадсангүй. Гэхдээ санаа нь агаарт замхарсангүй, Генрих Альтшуллер “дахин нээж” бүтээлчээр баяжуулсан байна.

1956 оноос эхлэн системийн үүргийн шинжилгээг үндэс болгосон энэхүү аргын иж бүрдэл нь ШинэСэБО (Шинийг сэдэх бодлогын онол) нэртэй болон цааш хөгжсөн юм. ШинэСэБО - ын гол санаа, олон тооны аргууд нь систем доторх түлхүүр зөрчлийг илрүүлж улмаар энэхүү системийнхээ хөгжлийн ерөнхий хандлагад нийцсэн шийдлийг олоход чиглэсэн ажээ.

Удирдлагын бодлогыг шийдэхэд дөхүү болгох зорилгоор аль тохирох арга хэрэгслийг жишээлбэл, дээр дурдсан ШинэСэБО – ын нэг аргыг тухайн нөхцөлд нэлээд амжилттай хэрэглэж болно. Тухайлбал, түүний түүхэн хэлбэрийн нэг нь болох “хүлээгдэж байгаагийн эсрэг үйлдлийг гүйцэтгэх” болно. Өөрөөр хэлбэл, хүсмээргүй үйл явдлаас гарч болох үр дүнг арилгах арга олохын тулд бид зүгээр хүлээх бус харин урьдчилж бодитоор загварчлах юм. Энэхүү “хорлон сүйтгэх” аргын мөн чанар нь “Компанид хүсмээргүй ямар үйл явдал гарч болох вэ?” гэж асуухын оронд “Хүсмээргүй үйл явдлыг гаргахын тулд яах вэ?” гэх юм. Гол шинж нь хорлон сүйтгэх арга бодож олох тухай болохоор нэр нь ч бас эндээс үүсчээ.

Иймэрхүү байдлыг тодорхой нэг жишээн дээр жишээлбэл, эмийн бөөний худалдаа эрхэлдэг компани эсвэл түүний орон нутгийн салбарын худалдааны ажиллагаан дээр авч үзье. Компаниас үйлчлүүлэгчтэй харилцах гэсэн ажил үүргийн хувьд том биш ч басхүү чухал хэсгийг тодруулж үзье. Ажиллагааны дараалал:

- Үйлчлүүлэгчийн гүйцэтгэх үүргийг тодотгоно.

- Хорлон сүйтгэх асуултаа тавина: Яавал энэхүү үүргийг огт биелэгдэшгүй эсвэл биелэхэд төвөгтэй болгох вэ?

- “Хорлон сүйтгэлт”- ийг устгах арга хэмжээг гаргаж тавина.

Хэрэглэгч нь компанитай шинээр харилцаа үүсгэхэд дараах ажиллабарууд хийгддэг гэж тооцъё. Үүнд:

1.1 Компанийн оршин байгаа тухай мэдээллийг зар сурталчилгаанаас болон танилуудаасаа сонсох зэргээр авах,

1.2 Утасдах зэргээр лавлах,

1.3 Компанийг олж очих,

1.4 Худалдааны хэсгийг нь олох,

1.5 Үнийн саналыг авах,

1.6 Үнийн саналыг судлаад, захиалга төлөвлөх,

1.7 Худалдааны төлөөлөгчтэй нь уулзах,

1.8 Зөвлөгөө авах,Захиалга хийх,

1.9 Нэхэмжлэх авах,

1.10 Нэхэмжилсэн дүнг төлөх,

1.11 Санхүүгийн хуулга, баримтаа ирүүлэх,

1.12 Захиалсан бараагаа хүлээн авах,

1.13 Бараанаасаа шаардлагатай хамгийн бага тооны эмийг ялгаж авах,

1.14 Хүлээн авсан бараагаа дахин тоолж, нягтлах,

1.15 Барааны дагалдах авах,

1.16 Дагалдах хуудасыг шалгах,

1.17 Барааг үйлчлүүлэгчийн хаягаар ачуулах,

1.18 Барааг машинаас буулгах зэрэг болно.

2. “Хорлон сүйтгэх” нь

Ажиллабаруудыг гүйцэтгэх боломжгүй буюу хэцүү болгоё гэвэл юу хийх вэ? Гэвэл дараахь хэлбэртэй байж болох юм. Үүнд:

2.1 Муу сурталчилгаа хийх. Зар сурталчилгааг хүн уншдаггүй хэвлэлд өгөх. Зар сурталчилгааг мэргэжлийн бус сонирхогч маягийн хүнд өгөх буюу ажилд нь давхар даалгах. Үйлчлүүлэгч ямар хэвлэл илүү уншдагийг тодруулалгүйгээр орхих. Зар сурталчилгааны чанарыг хариуцсан ажилтангүй байлгах арга хэмжээ авах,

2.2 Компанийн нарийн бичиг болон худалдааны хэсгийн утсыг завгүй болгох арга сэдэх. Үнийн саналын шинэ хуудсыг оройтуулах эсвэл огт зохиохгүй байх. Бүх компьютер, хэвлэгч, утсыг ажиллуулахгүйн тулд цахилгаан хангамжийг нь таслах. Дотуур холбоог таслах. Худалдааны хэсгийн мэдэээлэлтэй компьютер, серверийг эвдэх. Хувилагч төхөөрөмжийг эвдэх. Программ хангамж болон техник хариуцсан ажилтангүй болгох арга хэмжээ авах,

2.3 Зар сурталчилгаандаа компанид очих замыг заахгүй байх. Гудамжинд хаягаа хадахгүй байх. Зар сурталчилгааны чанарыг хариуцсан ажилтныг эзгүй байлгах,

2.4 Үйлчлүүлэгчийг компани руу харуул нь нэвтрүүлэхгүй байх. Компани руу нэвтрэх дүрэм, журам огт байхгүй байлгах,

2.5 Үнийн санал бүхий хуудсыг хэт цөөхөн хэвлэх. Хэвлэгчийн нөөц хоргүй байлгах. 2.2- д заагдсан бүх аргууд мөн адил тохирно,

2.6 Үнийн санал дотор буруу мэдээлэл оруулах. Компьютерийн системийг гэмтээх. Дагалдах хуудсанд шаардлагатай мэдээлэл оруулахгүй байлгах. Дагалдах хуудсаар компанийн агуулахаас барааны шилжилт хийхгүй байх буюу барааны дагалдах дээр зөвхөн тоо ширхэгийг нь зааж өөр үйлдвэрлэгчийн ижил нэртэй бараатай няравыг будлиулах. Няравт дагалдах хуудсыг огт хүргүүлэхгүй байх. Агуулахад ирж байгаа дагалдах хуудасны хөдөлгөөнийг хариуцсан ажилтангүй байлгах. Дагалдахыг бөглөх талаарх тодорхой зааваргүй байлгах,

2.7 Худалдааны хэсгийн менежерийг ажлаар дарж, завгүй байлгах. Захиалга авах менежерийн эрхийг тодорхой бус байлгах. Энэ менежерүүдэд үндсэн үүргээс нь хөндийрүүлэхүйц ажил даалгах. Тэднийг ажилдаа улайрахгүй болгох үүднээс эд материал болон сэтгэл санааны дэмжлэг огт үзүүлэхгүй байх,

2.8 Худалдааны хэсгийн менежерийг огт завгүй байлгах. (2.7 хэсгийг уншина уу) Нэмэх нь, худалдсан барааны тоо хэмжээ болон үйлчилгээний чанарыг менежерүүд огт хайхардаггүй болгох үүднээс урамшууллыг нь хасах. Мэргэжлийн бус хүмүүсийг ажилд авах,

2.9 Үнийн санал дотор буруу мэдээлэл оруулах. Компьютерийн систем болон оффисийн техникийг гэмтээх. (Дээр дурдсныг үзнэ үү)

2.10 2.7- д дээр заагдсныг гүйцэтгэх,

2.11 Бэлэн мөнгөний кассанд хүмүүсийг шавааралдуулах. Мөнгө тоолох машиныг эвдэх. Мөнгө шалгах машиныг эвдэх,

2.12 2.7 ба 2.9- д дээр заагдсныг тус тус гүйцэтгэх,

2.13 Захиалсан барааг хэт удаан баглаж, олгох. Эрэлт ихтэй барааг энд тэнд тарааж байрлуулах. Үнийн санал дотор буруу мэдээлэл оруулах. Агуулахын ажилчдад ачуулсан барааны урамшуулал олгохгүй болгох,

2.14 Үйлчлүүлэгчид маш олон цувралын эмийг хольж олгох. Нийлүүлэгчийн үйлдвэрлэсэн бараанаас зөвхөн конвейерийн үлдэгдлийг татаж авах. Бараагаа агуулахад хураахдаа бүх цувралыг нэг эгнээнд хольж өрөх. Цувралын тооны талаар нийлүүлэгчийг дураар нь орхих буюу нэг цувралаас хэт цөөн тооны эм оруулж, хямд өгүүлэх,

2.15 Барааны байрлал болгонд нэр төрлийн будлиан үүсгэх,

2.16 Зарим цувралд дагалдах (сертификат) байхгүй байлгах. Нийлүүлж байгаа барааны тухай мэдээлэлийг дагалдахад оруулахгүй байлгах. Дагалдахыг нийлүүлэгч дээр нь мартах буюу гээх. Тээвэрлэгчид зааварчилгаа өгүүлэхгүй байх. Барааг дагалдахгүйгээр хүлээн авах. Сертификатийн хэсэгт замбараагүй байдал үүсгэх,

2.17 Чанаргүй сертификат, дагалдахтай байлгах. Хангалтын менежерүүдтэй нийлүүлэгдэх цувралын тоо хэмжээ болон сертификатийн чанарын талаар огт ярихгүй байлгах,

2.18 Барааг ачуулахгүй удаах буюу огт ачуулахгүй болгох. Үйлчлүүлэгчийг агуулахад очих бүх замыг машинаар хаах. Бүх ачигчийг өөр яаралтай ажилд дайчлах. Ачигчдийг өөр агуулахад шилжүүлэх. Агуулахын ажилчдад ачуулсан барааны урамшуулал олгохгүй болгох,

2.19 Бараа татахгүй байлгах. Хамаг машинаа засварт зэрэг оруулах. Галт тэргийг удаах арга хэмжээ авах. Буруу тээвэр хийлгэх. Жолооч нарыг урамшуулахгүй байх. Ачаа/ гүйлт болон түлшний зарцуулалтыг хяналтгүй орхих зэрэг байж болно.

3. Авах арга хэмжээнүүд

3.1 Зар сурталчилгааны компанитай хамтран, урьдчилан боловсруулсан PR- төлөвлөлтийн дагуу иж бүрэн ажиллагаа явуулах. Компанийн бүх үйл ажиллагааг хамарч нэг санаанд нэгтгэсэн дотоод журам гаргаж, мэдээлнэ.

3.2 Ослын нөхцөлд ажиллах зориулалтай эрчим хүчний үл хамаарах эх үүсвэртэй болох. Нөөц сервертэй болж, мэдээллийн санг өдөр болгон хуулбарлаж байна.

3.3 Агуулахад дагалдахыг хариуцсан ажилтантай болгох. Дагалдахыг бөглөх тодорхой, ойлгомжтой заавар боловсруулж, компанийн тухайн хэсгийн ажилтанд давхар даалгаж хариуцуулна.

3.4 Худалдааны хэсгийн менежерийг урамшуулж, хянах үр дүнтэй систем бий болгох. Шинээр ажилтан авахдаа хянуур хандаж, мэргэжил болон хувь хүний нэгдмэл чанараар нь шилнэ.

3.5 Эмийн адил үйлчилгээ зэргийн талаар үйлчлүүлэгчид зөвлөгөө өгүүлэхээр худалдааны хэсгийн ажилтнаас тусгайлан сургана.

3.6 Бэлэн мөнгөний кассд мөнгө тоолох, шалгах машины нөөц байлгана.

3.7 Худалдааны хэсгийн менежер болон агуулахын ажилтнуудыг идэвхжүүлэх хөшүүргийн аргыг боловсруулна.

3.8 Агуулахад бууж байгаа эмийг цувралаар нь ялган, тусад нь хураана.

3.9 Жолооч нарыг хянах болон урамшуулах систем боловсруулна.

Технологийн арга ажиллагааны иймэрхүү жагсаалт нь хэдийгээр бүрэн гүйцэд биш ч гэлээ компанийг өрсөлдөөнт зах зээлийн нөхцөлд оршин байхад саад болдог, урьдчилан харж болшгүй үзэгдлээс зайлах гарц олох зарчмыг зааж өгч чаддаг юм. Гэхдээ зохион байгуулалтын сайжруулах нөөцөө хараахан бараагүй байгаа компанид л энэ бүх арга хэмжээнүүд нь тохирдог байна. Үйл ажиллагаа нь харилцан уялдахаа больсон, дотоод мөн чанараараа мөхөж буй компанийн хувьд бол санхүүгийн нэмэлт зардал гаргах тохиолдолд л ажил сайжирч болох юм. Хэрвээ ийм шийдвэр нь тухайн нөхцөлд хэмнэлтгүй, амин чухал бус санагдаж байвал уг компанийг цаашид “амьсгаа хураалгахгүй” ганц арга нь бүтцийн өөрчлөлт хийх байдаг юм.

www.trizland.ru сайтаас авав.

Орчуулсан Т. Батууг 2009 он